ევროკავშირში ინტეგრაციის გზაზე ნავიგაცია: სტანდარტების გადამწყვეტი როლი საქართველოს ლოგისტიკის ევოლუციაში

საქართველო დღეს დგას უმნიშვნელოვანესი პროცესების წინაშე, როგორც სახელმწიფო, რომელმაც ახლახანს მოიპოვა კანდიდატის სტატუსი. ევროკავშირში გაწევრიანების გზაზე ერთერთი მნიშვნელოვანი ასპექტია დამკვიდრებულ სტანდარტებთან შესაბამისობა. ევროკავშირის მიერ შემუშავებული სტანდარტები ეხება მრავალ ინდუსტრიას და სფეროს, მაგრამ ლოგისტიკაში ის გაცილებით მეტია, ვიდრე უბრალოდ კანონებთან შესაბამისობა. 

დღეს შევეცდებით გაგიზიაროთ ლოგისტიკაში ევროპული ხარისხისა და სტანდარტების დანერგვის მნიშვნელობა, რაც წარმოადგენს გზამკვლევს ეფექტურობის, უსაფრთხოებისა და თანამშრომელთა კეთილდღეობისთვის. A Logistics Company უკვე მრავალი წელია იცავს და მიყვება დადგენილ ნორმებსა და წესებს, სწორედ ამიტომ, გვინდა, გაგიზიაროთ რამდენიმე კრიტერიუმი ჩვენი გამოცდილებიდან:

ISO სტანდარტები:

• სტანდარტიზაციის საერთაშორისო ორგანიზაცია (ISO) ადგენს საერთაშორისო სტანდარტებს და მრავალ ევროპულ კომპანიასთან ერთად ჩვენი კომპანია 2015 წლიდან წარმოადგენს ამ სერთიფიკატის მფლობელ ორგანიზაციას.  ლოგისტიკისა და საწყობის მენეჯმენტისთვის, ISO 9001 (ხარისხის მენეჯმენტი) სტანდარტები  ეხმარება ბიზნესებს გააუმჯობესონ თავიანთი საქმიანობა, დააკმაყოფილონ მომხმარებელთა მოლოდინები და წარმოაჩინონ თავიანთი ერთგულება ხარისხისადმი.

სამუშაო ადგილის უსაფრთხოების წესები:

• სტანდარტიზაციის ევროპული კომიტეტი (CEN) შემუშავებული აქვს ევროპული სტანდარტების ერთობლიობა (EN), რომელიც ფოკუსირებულია საწყობის თანამშრომლების უსაფრთხოებაზე.ამ რეგულაციების მიხედვით ჩვენს საწყობში თანამშრომლებს აქვთ როგორც შესაბამისი აღჭურვილობა და  ასევე სამუშაო ადგილზე გაუთვალისწინებელი შემთხვევების თავიდან აცილებისათვის  რიგი გადამზადებები და მითითებები. 

ნარჩენების მართვა და გარემოსდაცვითი რეგულაციები:

• ევროკავშირის რეგულაციები ასევე ეხება გარემოს მდგრადობას ლოგისტიკისა და სასაწყობე ოპერაციებში. ეს მოიცავს ნარჩენების სწორად მართვას, ენერგიის მოხმარების შემცირებას და ლოგისტიკური საქმიანობის გარემოზე ზემოქმედების მინიმუმამდე შემცირებას. ALC  ზრუნავს გარემოზე შესაბამისი სტანდარტებით და გადაამუშავებს როგორც სამეწარმეო ნარჩენებს, ისე საოფისე მოხმარების პლასტამასასა და ქაღალდს.

საბაჟო და სავაჭრო რეგულაციები:

• საბაჟო და ვაჭრობასთან დაკავშირებული რეგულაციები გადამწყვეტია ეფექტური ლოგისტიკური ოპერაციებისთვის, განსაკუთრებით ისეთ ეკონომიკურ გაერთიანებაში, როგორიც ევროკავშირია. ჩვენს საბაჟო საწყობში დაცულია რეგულაციები, რომლებიც უზრუნველყოფს თქვენი პროდუქციის შეუფერხებელ გადაადგილებას . 

დამატებითი ინფორმაციისათვის, აუცილებელია, როგორც ბიზნესის წარმომადგენლებმა, რეგულარულად შეამოწმოთ ოფიციალური წყაროები, როგორიცაა CEN, ეროვნული სტანდარტების ორგანოები და ევროკავშირის შესაბამისი ინსტიტუტები. ლოგისტიკისა და სასაწყობე პროცესების რეგულაციები და სტანდარტები შეიძლება განვითარდეს და ყოველდღიური პროცესების მათთან შესაბამისობა არის ევროკავშირში წარმატებული ოპერაციების გასაღები.

წყარო: CEN ( European Committee for Standardization)